ശരിയാ നിക്ഷേപം

              നിക്ഷേപം നടത്തുമ്പോൾ മതപരമായ ചിട്ടകൾ അനുവർത്തിക്കാൻ ആഗ്രഹിക്കുന്നവര്ക്ക് ദിശാബോധം നല്കാൻ പ്രത്യേക ഓഹരി സൂചികകൾ ഉണ്ട്.ഇസ്ലാം നിബന്ധനകൾ അനുസരിച്ച് ക്രമീകരിച്ചിരിക്കുന്ന ശരിയാ സൂചികകളിൽ ബി.എസ.ഇ.500 ശരിയാ സൂചിക,നിഫ്ടി ശരിയാസൂചിക എന്നിവയാണ് മുഖ്യം. 2008 തൊട്ടുള്ള കണക്കു നോക്കിയാൽ,ബി.എസ്.ഇ.500 ശരിയാ സൂചിക മൂന്നു മടങ്ങിലേറെ നേട്ടം നല്കിയതായി കാണാം.കഴിഞ്ഞ മൂന്നു വര്ഷത്തെ ശരാശരി വാര്ഷിക ലാഭം ഇരുപതു ശതമാനത്തിൽ കൂടുതൽ ഉണ്ട് താനും. 
             
                  ശരിയാ നിയമം അനുസരിച്ച്,ചില മേഖലകളെ നിക്ഷേപത്തിൽ നിന്ന് ഒഴിവാക്കികൊണ്ടാണ് ഈ സൂചികകൾ പ്രവര്ത്തിക്കുന്നത്. മദ്യം,ക്ലോണിംഗ്,പലിശയധിഷ്ടിത ബാങ്കിങ്ങ് ,ചൂതാട്ടം,പന്നിമാംസം, പോണോഗ്രഫി,പുകയില എന്നിവയുമായി ബന്ധപ്പെട്ട ബിസിനസ്സുകളെയാണ് പ്രധാനമായി ഒഴിവാക്കിയിരിക്കുന്നത്.ശരിയാ സൂപ്പർവൈസറി ബോർഡ്‌ നിർദേശം അനുസരിച്ച്, ഓട്ടോമോബൈൽസ്, സിമന്റു,സോഫ്റ്റുവെയർ, എഞ്ചിനിയറിംഗ്,എനർജി,ഫാർമ,സ്റ്റീൽ, രിഫ്യ്നെറി, ഇലക്‌ട്രിക്കൽസ്,ടെക്സ്ടയിൽസ് എന്നിവയിൽ മുഖ്യമായി നിക്ഷേപിക്കുന്നു.

              ശരിയാ മ്യുച്ച്വൽ ഫണ്ടുകളിൽ പ്രധാനം ടാറ്റാ എത്തികൽ ഫണ്ട്,ടോറസ് എത്തികൽ ഫണ്ട് എന്നിവയാണ്.1996ൽ തുടങ്ങിയ ടാറ്റാ എത്തികൽ ഫണ്ട് ശരാശരി 21.14 % വാർഷിക ലാഭം ഇതുവരെ നല്കിയിട്ടുണ്ട്.2009 ൽ തുടങ്ങിയ ടോറസ് എത്തികൽ ഫണ്ട് ഇതുവരെ 20.6% ശരാശരി വാർഷിക ലാഭം നല്കിയതായി കാണാം.സെക്ടർ ഫണ്ടുകളിൽ ഈ മാനദണ്ടം അനുസരിച്ച് പോർട്ട്‌ഫോലിയോ നിർമ്മിക്കാനാവും.ടെക്നോളജി, ഇന്ഫ്രാസ്ട്രക്ചർ, ട്രാൻസ്പോർട്ടേഷൻ അധിഷ്ടിതമായ സെക്ടർ ഫണ്ടുകളുടെ മിശ്രണം ഇതിനു അനുരൂപമാണ്.പതിനെട്ടു ശതമാനത്തിലേറെ വാര്ഷിക ലാഭം ഇത്തരം പോർട്ട്‌ഫോലിയോ നല്കിയിരിക്കുന്നതായി കാണാം.വരുമാനം അനുസരിച്ചു ,പ്രതിമാസം എസ്.ഐ.പി.ആയി അടയ്ക്കാമെന്നതാണ് മറ്റൊരു നേട്ടം.വിപണിയിലെ കയറ്റിറക്കങ്ങൾ ആവറേജിംഗ് വഴി അനുകൂലമാക്കാനും ഇത് സഹായിക്കും.