"എന്തിനാണ് ഒരു പോർട്ട്ഫോളിയോ ; ട്രേഡ് ചെയ്തു ലാഭം ഉണ്ടാക്കുന്നവര്ക്ക് അതിന്റെ ആവശ്യം ഉണ്ടോ?"
സ്ഥിരമായി ദിവസവ്യാപാരം ചെയ്യുന്ന ഷാഹുല് ചോദിച്ച സംശയം ആണ്.
അദ്ദേഹത്തിന്,ലാഭം എടുക്കുന്നതിനോ,നിക്ഷേപം ഇരട്ടിയാക്കുന്നതിണോ സന്ദേഹം ഇല്ല.അത്യാവശ്യം പണി അറിയാവുന്ന ആളാണ്.പൊടുന്നനെ കുതിച്ചു കയറുന്ന ഓഹരികളില് നിന്ന്,ചെറിയൊരു ലാഭം എടുക്കുന്ന സ്കാല്പ്പിംഗ് ആണ് പ്രധാന തന്ത്രം.ഒരുവര്ഷത്തെ
ഏറ്റവും ഉയര്ന്ന വിലയില് എത്തിയ ഓഹരികളില് ആണ് മുഖ്യമായും ശ്രദ്ധിക്കുന്നത്.
" കിട്ടുന്ന ലാഭം എന്ത് ചെയ്യുന്നു?" എന്ന മറുചോദ്യമാണ് എന്നില് നിന്ന് ഉണ്ടായത്.
" അതൊക്കെ പുട്ടടിക്കും.ഷോപ്പിംഗ്,ടൂര് അങ്ങനെയൊക്കെ ചെലവാക്കും.."
" റിട്ടയര്മെന്റിനും കുട്ടികളുടെ ഉപരി പഠനത്തിനുമൊക്കെ എന്തെങ്കിലും വകയിരുതിയിട്ടുണ്ടോ?"
" പത്തു ലക്ഷം രൂപയുടെ ഫിക്സഡ് ഡിപ്പോസിറ്റ് ഉണ്ട്.അത് പോരെ?"
" തമാശ പറയുകയാണോ ഷാഹുല് ജി?"
ഞാന് ചിരിച്ചു.
" അല്ല;കാര്യമായിട്ടാ.."
" ആറു ശതമാനം പണപ്പെരുപ്പം കണക്കുകൂട്ടിയാല് തന്നെ, ഇപ്പോള് പത്തുലക്ഷം ആകുന്ന ഒരു എം.ബി.എ.പ്രോഗ്രാമിന് പതിനഞ്ചു കൊല്ലം കഴിയുമ്പോള് ഇരുപത്തിനാല് ലക്ഷം രൂപയോളം ആകും.മെഡിസിനു പഠിക്കാനുള്ള തുകയുടെ കാര്യം അതിലേറെ ആകുമെന്ന് പറയേണ്ട കാര്യം ഇല്ലല്ലോ.ഇത് തന്നെ,റിട്ടയര്മെന്റിനും ബാധകം ആണ്.നാല്പതു വയസ്സുള്ള ഷാഹുല് ജി, അറുപതു വയസ്സാകുമ്പോള് റിട്ടയര് ചെയ്യുമെന്ന് കരുതിയാല് തന്നെ അന്നത്തെ മാസചെലവിനു മൂന്ന് മടങ്ങിലേറെ വേണ്ടിവരും.."
" ഇപ്പോള്,മാസം ഇരുപത്തയ്യായിരം രൂപ ചിലവുണ്ട്.അത്,എഴുപത്തയ്യായിരം ആകുമോ?"
" ശരാശരി പണപെരുപ്പം നോക്കിയാല്തന്നെ,കുറഞ്ഞത് എണ്പതിനായിരം രൂപവേണം.."
ഞാന് പറഞ്ഞു.
" എണ്പതിനായിരം രൂപ മാസം കിട്ടണമെങ്കില്,ഒരുകോടിരൂപയില് കൂടുതല് ഫിക്സഡ് ഡിപ്പോസിറ്റോ, ബോണ്ട് നിക്ഷേപമോ വേണമല്ലോ?ഇപ്പൊ പിടികിട്ടി.ആതുക ഉണ്ടാക്കിയെടുക്കാന്വേണ്ടിയാണ് നമ്മള് ഇക്വിറ്റി പോർട്ട്ഫോളിയോ ഉണ്ടാക്കേണ്ടത്,അല്ലെ?"
"അതെ.പ്രധാനപ്പെട്ട ജീവിതലക്ഷ്യങ്ങള് നേടാന് താരതമ്യേന റിസ്ക്കുറഞ്ഞ ഒരു പോർട്ട്ഫോളിയോ ഉണ്ടാക്കണം.കൈവിട്ട കളിക്ക് പോകാത്ത ഒരു ഫണ്ട്.ഇതിനെ കോര് പോർട്ട്ഫോളിയോ എന്നാണ് വിളിക്കുന്നത്.മുന് നിര ഓഹരികളും,ഇക്വിറ്റി ഫണ്ടുകളും,ബാലന്സ് സ്കീമുകളും ഉപയോഗിച്ച് ചെയ്യാവുന്നതാണ് ഒരുകോര് പോർട്ട്ഫോളിയോ .."
" കൊള്ളാമല്ലോ,വേറെ ഏതൊക്കെ ഉണ്ട്?"
" മുഖ്യലക്ഷ്യങ്ങള്ക്ക് വേണ്ടിയുള്ള പ്ലാനിംഗ് കഴിഞ്ഞുള്ള തുക കുറേകൂടി റിസ്ക് ഉള്ളവയില് നിക്ഷേപിക്കാം.മധ്യനിരയില്പെട്ട ഓഹരികളും,സെക്ടര് ഫണ്ടുകളും ഒക്കെ സമന്വയിപ്പിച്ച്കൊണ്ട്,കൂടുതല് ലാഭം നേടാന് ഒരു സാറ്റലൈറ്റ് പോർട്ട്ഫോളിയോ രൂപപ്പെടുത്താം..അത് കഴിഞ്ഞു മിച്ചമുള്ള തുക മാത്രമേ ഏറ്റവും കൂടിയ റിസ്ക് എടുക്കുന്ന കളികള്ക്ക് ഉപയോഗിക്കാവൂ.അതായത്,പെന്നി ഓഹരികളിലും,ട്രേഡിംഗിനും ഉപയോഗിക്കുന്ന തുകയ്ക്ക് നമ്മുടെ നിക്ഷേപത്തിന്റെ മൂന്നാംസ്ഥാനം മാത്രമേ കൊടുക്കാവൂ.ആസ്പിരെഷനല് പോർട്ട്ഫോളിയോ എന്നാണ് ഇതിനെ വിളിക്കാറ്..ഇല്ലെങ്കില്,റിസ്ക് കൂടുതലും നേട്ടം കുറവും ആയിപ്പോകാം.ചിലപ്പോള്,വന് നഷ്ടവും സംഭവിക്കാം.."
" എനിക്കിപ്പോള്, ആസ്പിരേഷനല് പോർട്ട്ഫോളിയോ മാത്രേ ഉള്ളൂ..ചെയ്തത് തലതിരിഞ്ഞായിപ്പോയി..ഇനി അതൊന്നു ശരിയാക്കിയിട്ടേ ഉള്ളൂ ബാക്കി കാര്യം"
" എന്നാ, നമുക്ക് ഓരോ നാരങ്ങാ വെള്ളം കുടിച്ചാലോ?"
"തന്നെ,തന്നെ..ഒരുസര്ബത്ത് കുടിച്ചിട്ട് തന്നെ തീരുമാനം ഉറപ്പിച്ചേക്കാം.."
ഷാഹുല് ചിരിച്ചുകൊണ്ട്, എന്റെ കയ്യില് പിടിച്ചു.ഉറച്ച തീരുമാനത്തിന്റെ മുറുക്കം ആ ഹസ്ത ദാനത്തിനുണ്ടായിരുന്നു.
സ്ഥിരമായി ദിവസവ്യാപാരം ചെയ്യുന്ന ഷാഹുല് ചോദിച്ച സംശയം ആണ്.
അദ്ദേഹത്തിന്,ലാഭം എടുക്കുന്നതിനോ,നിക്ഷേപം ഇരട്ടിയാക്കുന്നതിണോ സന്ദേഹം ഇല്ല.അത്യാവശ്യം പണി അറിയാവുന്ന ആളാണ്.പൊടുന്നനെ കുതിച്ചു കയറുന്ന ഓഹരികളില് നിന്ന്,ചെറിയൊരു ലാഭം എടുക്കുന്ന സ്കാല്പ്പിംഗ് ആണ് പ്രധാന തന്ത്രം.ഒരുവര്ഷത്തെ
ഏറ്റവും ഉയര്ന്ന വിലയില് എത്തിയ ഓഹരികളില് ആണ് മുഖ്യമായും ശ്രദ്ധിക്കുന്നത്.
" കിട്ടുന്ന ലാഭം എന്ത് ചെയ്യുന്നു?" എന്ന മറുചോദ്യമാണ് എന്നില് നിന്ന് ഉണ്ടായത്.
" അതൊക്കെ പുട്ടടിക്കും.ഷോപ്പിംഗ്,ടൂര് അങ്ങനെയൊക്കെ ചെലവാക്കും.."
" റിട്ടയര്മെന്റിനും കുട്ടികളുടെ ഉപരി പഠനത്തിനുമൊക്കെ എന്തെങ്കിലും വകയിരുതിയിട്ടുണ്ടോ?"
" പത്തു ലക്ഷം രൂപയുടെ ഫിക്സഡ് ഡിപ്പോസിറ്റ് ഉണ്ട്.അത് പോരെ?"
" തമാശ പറയുകയാണോ ഷാഹുല് ജി?"
ഞാന് ചിരിച്ചു.
" അല്ല;കാര്യമായിട്ടാ.."
" ആറു ശതമാനം പണപ്പെരുപ്പം കണക്കുകൂട്ടിയാല് തന്നെ, ഇപ്പോള് പത്തുലക്ഷം ആകുന്ന ഒരു എം.ബി.എ.പ്രോഗ്രാമിന് പതിനഞ്ചു കൊല്ലം കഴിയുമ്പോള് ഇരുപത്തിനാല് ലക്ഷം രൂപയോളം ആകും.മെഡിസിനു പഠിക്കാനുള്ള തുകയുടെ കാര്യം അതിലേറെ ആകുമെന്ന് പറയേണ്ട കാര്യം ഇല്ലല്ലോ.ഇത് തന്നെ,റിട്ടയര്മെന്റിനും ബാധകം ആണ്.നാല്പതു വയസ്സുള്ള ഷാഹുല് ജി, അറുപതു വയസ്സാകുമ്പോള് റിട്ടയര് ചെയ്യുമെന്ന് കരുതിയാല് തന്നെ അന്നത്തെ മാസചെലവിനു മൂന്ന് മടങ്ങിലേറെ വേണ്ടിവരും.."
" ഇപ്പോള്,മാസം ഇരുപത്തയ്യായിരം രൂപ ചിലവുണ്ട്.അത്,എഴുപത്തയ്യായിരം ആകുമോ?"
" ശരാശരി പണപെരുപ്പം നോക്കിയാല്തന്നെ,കുറഞ്ഞത് എണ്പതിനായിരം രൂപവേണം.."
ഞാന് പറഞ്ഞു.
" എണ്പതിനായിരം രൂപ മാസം കിട്ടണമെങ്കില്,ഒരുകോടിരൂപയില് കൂടുതല് ഫിക്സഡ് ഡിപ്പോസിറ്റോ, ബോണ്ട് നിക്ഷേപമോ വേണമല്ലോ?ഇപ്പൊ പിടികിട്ടി.ആതുക ഉണ്ടാക്കിയെടുക്കാന്വേണ്ടിയാണ് നമ്മള് ഇക്വിറ്റി പോർട്ട്ഫോളിയോ ഉണ്ടാക്കേണ്ടത്,അല്ലെ?"
"അതെ.പ്രധാനപ്പെട്ട ജീവിതലക്ഷ്യങ്ങള് നേടാന് താരതമ്യേന റിസ്ക്കുറഞ്ഞ ഒരു പോർട്ട്ഫോളിയോ ഉണ്ടാക്കണം.കൈവിട്ട കളിക്ക് പോകാത്ത ഒരു ഫണ്ട്.ഇതിനെ കോര് പോർട്ട്ഫോളിയോ എന്നാണ് വിളിക്കുന്നത്.മുന് നിര ഓഹരികളും,ഇക്വിറ്റി ഫണ്ടുകളും,ബാലന്സ് സ്കീമുകളും ഉപയോഗിച്ച് ചെയ്യാവുന്നതാണ് ഒരുകോര് പോർട്ട്ഫോളിയോ .."
" കൊള്ളാമല്ലോ,വേറെ ഏതൊക്കെ ഉണ്ട്?"
" മുഖ്യലക്ഷ്യങ്ങള്ക്ക് വേണ്ടിയുള്ള പ്ലാനിംഗ് കഴിഞ്ഞുള്ള തുക കുറേകൂടി റിസ്ക് ഉള്ളവയില് നിക്ഷേപിക്കാം.മധ്യനിരയില്പെട്ട ഓഹരികളും,സെക്ടര് ഫണ്ടുകളും ഒക്കെ സമന്വയിപ്പിച്ച്കൊണ്ട്,കൂടുതല് ലാഭം നേടാന് ഒരു സാറ്റലൈറ്റ് പോർട്ട്ഫോളിയോ രൂപപ്പെടുത്താം..അത് കഴിഞ്ഞു മിച്ചമുള്ള തുക മാത്രമേ ഏറ്റവും കൂടിയ റിസ്ക് എടുക്കുന്ന കളികള്ക്ക് ഉപയോഗിക്കാവൂ.അതായത്,പെന്നി ഓഹരികളിലും,ട്രേഡിംഗിനും ഉപയോഗിക്കുന്ന തുകയ്ക്ക് നമ്മുടെ നിക്ഷേപത്തിന്റെ മൂന്നാംസ്ഥാനം മാത്രമേ കൊടുക്കാവൂ.ആസ്പിരെഷനല് പോർട്ട്ഫോളിയോ എന്നാണ് ഇതിനെ വിളിക്കാറ്..ഇല്ലെങ്കില്,റിസ്ക് കൂടുതലും നേട്ടം കുറവും ആയിപ്പോകാം.ചിലപ്പോള്,വന് നഷ്ടവും സംഭവിക്കാം.."
" എനിക്കിപ്പോള്, ആസ്പിരേഷനല് പോർട്ട്ഫോളിയോ മാത്രേ ഉള്ളൂ..ചെയ്തത് തലതിരിഞ്ഞായിപ്പോയി..ഇനി അതൊന്നു ശരിയാക്കിയിട്ടേ ഉള്ളൂ ബാക്കി കാര്യം"
" എന്നാ, നമുക്ക് ഓരോ നാരങ്ങാ വെള്ളം കുടിച്ചാലോ?"
"തന്നെ,തന്നെ..ഒരുസര്ബത്ത് കുടിച്ചിട്ട് തന്നെ തീരുമാനം ഉറപ്പിച്ചേക്കാം.."
ഷാഹുല് ചിരിച്ചുകൊണ്ട്, എന്റെ കയ്യില് പിടിച്ചു.ഉറച്ച തീരുമാനത്തിന്റെ മുറുക്കം ആ ഹസ്ത ദാനത്തിനുണ്ടായിരുന്നു.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ